Las, Mort qui t'a fait si hardie - Charles d'Orléans par Pierre Blanchar

Voir le sujet précédent Voir le sujet suivant Aller en bas

Las, Mort qui t'a fait si hardie - Charles d'Orléans par Pierre Blanchar

Message  Gil Def le Ven 7 Avr - 16:32

.

LAS MORT QUI T'A FAIT SI HARDIE - Charles d'Orléans

Récitant : Pierre Blanchar










Las ! Mort qui t’a fait si hardie,
De prendre la noble Princesse
Qui estoit mon confort, ma vie,
Mon bien, mon plaisir, ma richesse !
Puis que tu as prins ma maistresse,
Prens moy aussi son serviteur,
Car j’ayme mieulx prouchainement
Mourir que languir en tourment.
En paine, soussi et doleur

Las ! de tous biens estoit garnie
Et en droite fleur de jeunesse !
Je pry à Dieu qu’il te maudie,
Faulse Mort, plaine de rudesse !
Se prise l’eusses en vieillesse,
Ce ne fust pas si grant rigueur ;
Mais prise l’as hastivement,
Et m’as laissié piteusement
En paine, soussi et doleur.

Las ! je suis seul, sans compaignie !
Adieu ma Dame, ma liesse !
Or est nostre amour departie.
Non pour tant, je vous fais promesse
Que de prieres, à largesse,
Morte vous serviray de cueur,
Sans oublier aucunement ;
Et vous regretteray souvent
En paine, soussi et doleur.

ENVOI

Dieu, sur tout souverain Seigneur,
Ordonnez, par grâce et doulceur.
De l’ame d’elle, tellement
Qu’elle ne soit pas longuement
En paine, soussi et doleur.


- Ballades -








_________________
La poésie, c'est les paroles éparses du réel (Octavio Paz)
avatar
Gil Def
Admin

Masculin
Nombre de messages : 1733
Age : 68
Localisation : Nord de la France
Date d'inscription : 16/11/2007

Voir le profil de l'utilisateur

Revenir en haut Aller en bas

Voir le sujet précédent Voir le sujet suivant Revenir en haut


 
Permission de ce forum:
Vous ne pouvez pas répondre aux sujets dans ce forum