COUPS DE COEUR POETIQUES
Vous souhaitez réagir à ce message ? Créez un compte en quelques clics ou connectez-vous pour continuer.
Le Deal du moment :
Antivirus NORTON 360 Deluxe – Clé ...
Voir le deal
1 €

Guillem Figueira - D’un sirventes far en est son que m’agenssa

Aller en bas

Guillem Figueira - D’un sirventes far en est son que m’agenssa Empty Guillem Figueira - D’un sirventes far en est son que m’agenssa

Message  Gil Def Jeu 12 Aoû - 13:49

 Guillem Figueira - D’un sirventes far en est son que m’agenssa 377699  Guillem Figueira - D’un sirventes far en est son que m’agenssa 377699  Guillem Figueira - D’un sirventes far en est son que m’agenssa 377699  


LES OEUVRES DES TROUBADOURS

Guillem Figueira






D’un sirventes far en est son que m’agenssa
Guillem Figueira
Interprètes :Hespérion XXI


I
D’un sirventes far en est son que m’agenssa
No.m vuolh plus tarzar ni far longa bistenssa,
E sai ses doptar qu'ieu n'aurai malvolenssa,
si fas sirventes
dels fals, mal apres,
De Roma, que es caps de la dechansenssa,
On dechai totz bes.

II
Nom meravilh ges, Roma, si la gens erra,
Quel segle avetz mes en trebalh et en gerra,
E pretz e merces mor per vos e sosterra,
Roma enganairitz,
Qu’etz de totz mals guitz
E cima e razitz, quel bons reis d’Englaterra
Fon per vos trahitz.

III
Roma trichairitz, cobeitatz vos engana,
C’a vostras berbitz tondetz trop de la lana.
Lo sains esperitz, que receup carn humana,
Entenda mos precs
E franha tos becs.
Roma, no m’entrecs, car es falsa e trafana
Vas nos e vas Grecs.

IV
Roma, als homes pecs rozetz la carn e l’ossa,
E guidatz los secs ab vos inz en la fossa,
E passatz los decs de dieu, car trop es grossa
Vostra cobeitatz,
Car vos perdonatz
Per deniers pechatz. Roma, de gran trasdossa
De mal vos cargatz.

V
Roma, ben sapchatz que vostra avols barata
E vostra foudatz fetz perdre Damiata.
Malamen renhatz, Roma. Dieus vos abata
En dechazemen,
Car trop falsamen
Renhatz per argen, Roma de mal’ esclata
E de mal coven.

VI
Roma, veramen sai eu senes doptanssa
C’ab galiamen de falsa perdonanssa
Liuretz a turmen lo barnatge de Franssa
Lonh de paradis,
El bon rei Lois,
Roma, avetz aucis, c’ab falsa predicanssa
L traissetz de Paris.


VII
Roma, als Sarrazis faitz vos pauc de dampnatge,
Mas Grecs e Latis metetz e carnalatge.
Inz el foc d’abis, Roma, faitz vostre estatge
En perdicion.
Ja dieus part nom don,
Roma, del perdon ni del pelegrinatge
Que fetz d’Avinhon.

VIII
Roma, ses razon avetz mainta gen morta,
E jes nom sab bon, car tenetz via torta,
Qu’a salvacion, Roma, serrätz la porta.
Per qu’a mal govern
D’estiu e d’invern
Qui sec vostr’ estern, car diables l’en porta
Inz el fuoc d’enfern

IX
Roma, beis decern lo mais c’om vos deu dire,
Quar faitz per esquern dels crestians martire.
Mas en cal quadern trobatz c’om deja aucire
Romals crestians?
Dieus, qu’es verais pans
E cotidians, me don so qu’eu desire,
Vezer dels Romans.

X
Roma, vers es plans que trop foz angoissosa
Dels perdons trafans que fetz sobre Tolosa.
Trop rozetz las mans a lei de rabiosa,
Roma descordans.
Mas sil coms prezans
Viu ancar dos ans, Fransa n’er dolorosa
Dels vostres engans.

XI
Roma, tant es grans la vostra forfaitura
Que dieu e sos sans en gitatz a non-cura,
Tant etz mal renbans, Roma falsa e tafura,
Per qu’en vos s’escon
Eis magra eis cofon
Lo jois d’aquest mon. E faitz gran desmesura
Del comte Raimon.

XII
Roma, dieus l’aon elh don poder e forsa
Al comte que ton los Frances els escorsa,
E fa’n planca e pon, quand ab els se comorsa;
Et a mi plaz fort.
Roma, a dieu recort
Del vostre gran tort, sil plaz; el comte estorsa
De vos e de mort.


XIII
Roma, bem conort quez en abans de gaire
Venrez a mal port, si l’adreitz emperaire
Mena adreich sa sort ni fai so que deu faire.
Roma, eu dic ver,
Quel vostre poder
Veirem dechazer. Roma, lo vers salvaire
M’o lais tost vezer.

XIV
Roma, per aver faitz mainta vilania
E maint desplazer e mainta fellonia.
Taut voletz aver del mon la senhoria
Que ren non temetz
Dieu ni sos devetz,
Anz vei que fazetz mais qu’ieu dir non poiria
De mal, per un detz.

XV
Roma, tan tenetz estreg la vostra grapa
Que so que podetz tener, greu vos escapa.
Si’n breu non perdetz poder, a mala trapa
Es lo mons cazutz
E mortz e vencutz
El pretz confondutz. Roma, la vostra papa
Fai aitals vertutz.  

XVI
Roma, cel qu’es lutz del mon e vera vida
E vera salutz, vos don mal’ escarida,
Car tans mals saubutz faitz, per que lo mons crida.
Roma deslejals,
Razitz de totz mais,
Els focs enfernals ardretz senes falhida,
Si non penssatz d’als.

XVII
Roma, als cardenals vos pot liom sobreprendre
Per los criminals peeatz que tan entendre,
Que non pensan d’als, mas cum puosean revendre
Dieu et sos amics,
E noi val Castics.
Roma, grans fastics es d’auzir e d’entendre
Los vostres prezicx.

XVIII
Roma, eu sui enics, car vostre poders monta,
E car grans destrics totz ab vos nos afronta,
Car vos etz abrics e caps d’engan e d’onta
E de deshonor;
Eil vostre pastor
Son fals trichador, Roma, e quils aconta
Fai trop gran follor.


XIX
Roma, mal labor fal papa, quan tensona
Ab l’emperador pel dreich de la corona
Nil met en error nils sieus gerriers perdona;
Car aitals perdos
Que non sec razos,
Roma, non es bos, enans qui l’en razona,
Reman vergonhos.

XX
Romal glorios que sofri mortal pena
En la crotz per nos, vos done mal’ estrena,
Car voletz totz jors portar la borsa plena,
Roma, de mal for,
Que tot vostre cor
Avetz en tresor; don cobeitatz vos mena
El fuoc que no mor.

XXI
Roma, del malcor que portatz en la gola,
Nais lo sucx, don mor lo mals e s’estrangola
Ab doussor del cor; per quel savis tremola,
Quan conois e ve
Lo mortal vere
E de lai on ve, (Roma, del cor vos cola)
Don li pieitz son ple.

XXII
Roma, ben ancse a hom auzit retraire
Quel cap sem vos te, per quel faitz soven raire;
Per que cug e cre qu’ops vos auria traire,
Roma, del cervel,
Quar de mal capel
Etz vos e Cistel, qu’a Bezers fezetz faire
Mout estranh mazel.

XXIII
Rom’, ab fals sembel tendetz vostra tezura,
E man mal morsel manjatz, qui que l’endura.
Car’ avetz d’anhel ab simpla gardadura,
Dedins lops rabatz,
Serpens coronatz
De vibr’ engenratz, per quel diableus apella
Comals sieus privatz.








_________________
La poésie, c'est les paroles éparses du réel (Octavio Paz)
Gil Def
Gil Def
Admin

Masculin
Nombre de messages : 3223
Age : 72
Localisation : Nord de la France
Date d'inscription : 16/11/2007

Revenir en haut Aller en bas

Revenir en haut


 
Permission de ce forum:
Vous ne pouvez pas répondre aux sujets dans ce forum