Tout aussi tot que ie commence à prendre - Louise Labé

Gil Def Ven 16 Juil - 8:11

BONHEUR, DOULEUR ET MALHEUR D’AIMER

VERSIONS MULTIPLES D'AIMER

Tout aussi tot que ie commence à prendre - Louise Labé 0_som105

Tout aussi tot que ie commence à prendre
"Sonnets" - 1555
Louise Labé
Récitante : Claude Darvy

Tout aussi tot que ie commence à prendre
Dens le mol lit le repos désiré,
Mon triste esprit hors de moy retiré
S’en va vers toy incontinent se rendre.

Lors m’est auis que dedens mon sein tendre
Ie tiens le bien, ou i’ay tant aspiré,
Et pour lequel i’ay si haut souspiré ;
Que de sanglots ay souuent cuidé fendre.

Ô dous sommeil, ô nuit à moy heureuse !
Plaisant repos, plein de tranquilité,
Continuez toutes les nuiz mon songe :

Et si iamais ma poure ame amoureuse
Ne doit auoir de bien en vérité.
Faites au moins qu’elle en ait en mensonge.