Douce dame jolie - Guillaume de Machaut

Gil Def Dim 22 Aoû - 7:56

BONHEUR, DOULEUR ET MALHEUR D’AIMER

VERSIONS MULTIPLES D'AIMER

Douce dame jolie - Guillaume de Machaut 0_som105

Douce dame jolie
Guillaume de Machaut
Musique : Guillaume de Machaut
Interprète : Ensemble La Morra
(Corina Marti, Michal Gondko, Vivabiancaluna Biffi, Marc Mauillon)

Douce dame jolie,
Pour dieu ne pensés mie
Que nulle ait signorie
Seur moy fors vous seulement.

Qu'adès sans tricherie
Chierie
Vous ay et humblement
Tous les jours de ma vie
Servie
Sans villain pensement.
Helas! et je mendie
D'esperance et d'aïe;
Dont ma joie est fenie,
Se pité ne vous en prent.
Douce dame jolie.

Mais vo douce maistrie
Maistrie
Mon cuer si durement
Qu'elle le contralie
Et lie
En amour tellement
Qu'il n'a de riens envie
Fors d'estre en vo baillie;
Et se ne li ottrie
Vos cuers nul aligement.
Douce dame jolie.

Et quant ma maladie
Garie
Ne sera nullement
Sans vous, douce anemie,
Qui lie
Estes de mon tourment,
A jointes mains deprie
Vo cuer, puis qu'il m'oublie,
Que temprement m'ocie,
Car trop langui longuement.
Douce dame jolie,
Pour dieu ne pensés mie
Que nulle ait signorie
Seur moy fors vous seulement.