Pren ceste rose aimable comme toi - Pierre de Ronsard

Gil Def Dim 3 Avr - 20:24

BONHEUR, DOULEUR ET MALHEUR D’AIMER

VERSIONS MULTIPLES D'AIMER

Pren ceste rose aimable comme toi - Pierre de Ronsard 0_som105

Pren ceste rose aimable comme toi
"Les Amours" Premier Livre - 1555
Pierre de Ronsard
Récitant : André Reybaz

Pren ceste rose aimable comme toy,
Qui sers de rose aux roses les plus belles,
Qui sers de fleur aux fleurs les plus nouvelles,
Qui sers de Muse aux Muses et à moy.

Pren ceste rose, et ensemble reçoy
Dedans ton sein mon coeur qui n’a point d’ailes :
Il vit blessé de cent playes cruelles,
Opiniastre à garder trop sa foy.

La rose et moy differons d’une chose :
Un Soleil voit naistre et mourir la rose,
Mille Soleils ont veu naistre m’amour

Qui ne se passe, et jamais ne repose.
Que pleust à Dieu que mon amour éclose,
Comme une fleur, ne m’eust duré qu’un jour.