COUPS DE COEUR POETIQUES
Vous souhaitez réagir à ce message ? Créez un compte en quelques clics ou connectez-vous pour continuer.
-39%
Le deal à ne pas rater :
Bosch – Jeu d’embouts de vissage et à cliquet 26 pièces à ...
12.59 € 20.75 €
Voir le deal

Giraut de Bornelh - Si’us quèr conselh, bèla amai Alamanda

Aller en bas

Giraut de Bornelh - Si’us quèr conselh, bèla amai Alamanda Empty Giraut de Bornelh - Si’us quèr conselh, bèla amai Alamanda

Message  Gil Def Mer 11 Aoû - 16:52

 Giraut de Bornelh - Si’us quèr conselh, bèla amai Alamanda 377699  Giraut de Bornelh - Si’us quèr conselh, bèla amai Alamanda 377699  Giraut de Bornelh - Si’us quèr conselh, bèla amai Alamanda 377699  


LES OEUVRES DES TROUBADOURS

Giraut de Bornelh






Si’us quèr conselh, bèla amai Alamanda
Giraut de Bornelh
Interprètes :Eduardo Paniagua Ensemble
Ensemble Tre Fontane
Al Arabí Serghini


Si·us quer conselh, bel'ami'Alamanda,
No·l me vedetz, c'om cochatz lo·us demanda!
Que so m'a dich vostra domna truanda
Que lonh sui fors issitz de sa comanda
Que so que·m det m'estrai er'e·m desmanda.
Que·m conselhatz
C'a pauc lo cor dins d'ira no m'abranda,
Tan fort en sui iratz.·

Per Deu, Giraut, ges aissi tot a randa
Volers d'amic no·s fai ni no·s garanda!
Car si l'us falh, l'altre conve que blanda,
Que lor destrics no crescha ni s'espanda.
Pero si·us ditz d'alt poi que sia landa,
Vos la·n crezatz,
E plassa vos lo bes e·l mals que·us manda!
C'aissi seretz amatz.·

No posc mudar que contr'orgolh no gronda,
Ja siatz vos, donzela, bel'e blonda.
Pauc d'ira·us notz e paucs jois vos aonda!
Mas ges no n'etz primera ni segonda
Et eu que tem d'est'ira que·m confonda,
Que m'en lauzatz,
Si·m tem perir, que·m traia plus vas l'onda
Mal cut que·m chabdelatz·

Si m'enqueretz d'aital razo preonda,
Per Deu, Giraut, no sai com vos responda!
Pero, si·us par c'ab pauc fos jauzionda,·
Mais volh pelar mo prat c'altre·l me tonda.
E s'e·us er'oi del plach far dezironda,
Ja l'encerchatz
Com so bo cor vos esdui'e·us resconda!
Be par com n'etz cochatz·

Donzel', oimais no siatz trop parlera
S'ilh m'a mentit mais de cen vetz primera,
Cudatz vos donc que totztems l'o sofera
Semblaria c'o fezes per nescera
D'altr'amistat.·er'ai talan que·us fera,
Si no·us chalatz
Melhor conselh dera na Berengera
Que vos no me donatz.·

L'ora vei eu, Giraut, qu'ela·us o mera,
Car l'apeletz chamjairitz ni leugera!
Per so cudatz que del plach vos enquera
Mas no cut ges que sia tan manera!
Ans er oimais sa promessa derrera,
Que que·us diatz,
Si s'en destrenh tan que ja vos ofera
Treva ni fi ni patz.·

Bela, per Deu, no perda vostr'aiuda,
Car be sabetz com me fo convenguda.
S'eu m'ai falhit per l'ira c'ai aguda,
No·m tenha dan! s'anc sentitz com leu muda
Cor d'amador, ami', e s'anc fotz druda,
Del plach pensatz!
Que be vos dic: mortz sui, si l'ai perduda,
Mas no l'o descobratz·

Senher Giraut, ja n'agr'eu fi volguda,
Mas ela·m ditz c'a drech s'es irascuda,
C'altra·n preietz com fols, tot a saubuda,
Que no la val, ni vestida ni nuda.
No fara donc, si no·us gic, que vencuda,
S'altra·n preiatz
Be·us en valrai, ja l'ai'eu mantenguda,
Si mais no·us i mesclatz.·

Bela, per Deu, si d'ela n'etz crezuda,
Per me lo·lh afiatz·

Ben o farai! mas can vos er renduda
S'amors, no la·us tolhatz









_________________
La poésie, c'est les paroles éparses du réel (Octavio Paz)
Gil Def
Gil Def
Admin

Masculin
Nombre de messages : 3223
Age : 72
Localisation : Nord de la France
Date d'inscription : 16/11/2007

Revenir en haut Aller en bas

Revenir en haut


 
Permission de ce forum:
Vous ne pouvez pas répondre aux sujets dans ce forum